لما التقينا الصبح صدفه على الدوار
كانت بكل الاناقه وكامل الزينه
وقفت بحيره وانا معها وقفت محتار
بلش ذهولي ببحر الصمت يرميني
لكن عينينا بدو يتهامسو اسرار
ما فهمت منها سوى دخلك تهنيني
وقلوبنا رفرفو وطارو كما الاطيار
حسيت انه السعد والفرح جاييني
قالت حبيب القلب مشي معي مشوار
صوب الجناين نشم عطور ياسمين=ي
وتقطف ي عمري سوا انت وانا ازهار
اهديك باقه وانت اشعار تهديني
فتنا جنينة ورد خليت من الزوار
غيرنا الثنين وبدا الشيطان يغويني
والشوق جمره التهب بيي وولع نار
والدم بلش يفور في شراييني
وبلشت انظم غزل لعيونها اشعار
قالت حبيبي انا بردان دفيني
ضميتها ع الصدر ضمة حنيني الحار
وبغنجها والدلع بلشت تغريني
وعملت من لهفتي ع شفافها مشوار
وسمعت قطر الشهد منها يناديني
بيقول يا مرحبا يا سيد الشعار
ذايب بحبك انا وحبك بيحببني
هذا اللي صار وجرى يا سادتي الحضار
ولقيت بحضينها اجمل عناويني
وعتمة ليالي الهوى شعو بها الاقمار
وشمع الامل والصبا ضوو على سنيني
==== محمود شبيب ====
ليست هناك تعليقات:
إرسال تعليق