اكتفيت بالمشاهدة
✍🏻✍🏻✍🏻✍🏻✍🏻✍🏻
لما شوفت عيون حزينة
في الطريق ,, عمالة تبكي
ام ,, مش لاقية ,, السكينة
و من ضناها ,, دايما ,, تشكي
لما ربت فيه ,, و علت ,, في صابها
اديته كل ما ليها ,, من ,, غناها
لما شاف عنده البديل ,, نسي رضاها
باع ضميره ,, و راح رماها ,, في المتاها
!!!!!!!!!!!!!!!
اكتفيت ,, بالمشاهدة ,,,!!!
طفل ماشي ع الطريق ,, بيداري نفسه
طفل شارع ,, شكله ضايع ,, و مين يحسه
خوفه باين من عنيه ,, و الامان ضاع من اديه
بيشتكي ,, من ظلم دنيا ,, و الدموع باينة ف عنيه
هوا ,, هربان ,, ولا ,, تايه ,, ولا مين يسأل عليه
اكتفيت ,,, بالمشاهدة ,,,!!!
و اللي غير في الملامح ,, ناس فقيرة ف كل حاجه
ناس غلابه و كيلها طافح ,, في الحياه ماشيه بسذاجة
و الحياة عصرت قلوبهم ,, ذنبهم ,, ولا نصيبهم
لما حبوا يكفوا جوعهم ,, لموا اكل من الزبالة
و المشاهدة بقت مشاهد ,, صورة باهته وفكر شارد
هية دنيا غبيه ولا ,, دنيا جامده بقلب جاحد ,,, !!!
✍🏻✍🏻✍🏻✍🏻✍🏻✍🏻✍🏻✍🏻✍🏻
بقلم ✍🏻 الشاعر / ياسر عبد الحميد ✍🏻
ليست هناك تعليقات:
إرسال تعليق