قصيدة عامية
======= البنية ========
شايف بنيه من بعيد واقفه ع الميه
مكسورة ياولداه والدبلة ف اديها
راح فين حبيب القلب قليلي يا مايا
ده زينة شباب البلد ماتقولي يا خالة
----------------
سافر حبيبي في بحر ماله برور
سابني اعد الليالي واكتب ع السبور
ياقارب الموت قولي حبيبي فين
ياترى اكله السمك ولا تاه مع التاييهين
----------------
وارجع واقول فداكي يابلدي
بس الشباب مقهور
لا لاقي حظة في سفر
ولا عارف يسوق حنطور
----------------
بكت البنية
ودمعها على الخد تجري
مرة تقول الاه ومرة تقول ياني
حزينه ياولداه مكسورة ع الغالي
وعلى الربابه تنوح وتغني موالي
-----------------
وجه خبر مشؤوم
فلان الفلاني تعالى شوف ولدك
طب الراجل ساكت ياعم ايه صابك
صرخت ام الولد ياوليدي مين قتلك
في الغربة ياوليدي ماحد شاف كفنك
-----------------
صرخ الاب وقال
ياواد يا معوض
قولي فين واد عمك
ياترى مات ولا اتقتل
في الغربة بعيد عنك
----------------
بقلمي / الشاعر فضل عبد الرحمن
ليست هناك تعليقات:
إرسال تعليق