((اتفضل ,, يا فل ))
✍🏻✍🏻✍🏻✍🏻✍🏻
يا عم ارمي السلام ,,,
ولا احنا مافيش مقام
ولا خايف ,, لا تلعب ,
تشيل مشاريب تمام
سيبك و تعالي اقعد ,,
هانفوك ,, في الكلام
نشرب حجرين و شاي ,,
و نحكي في ,, اللي جاي
اصل الحكاية تخنق ,,,
نتصرف فيها ,,, ازاي ,
اتفضل يا فل
هاقعد علي شرط الاعبك ,,
شرط المغلوب ,, يشيل
و بلاش في ,, الزهر تقرص ,,
و هلاعبك ,, بالأصول
نلعبها جولبهار ,,,
اصل العيشة مرا ,, و الدنيا مغلبانا
و تشوف هاتعمل ايه ,,
في الحظ ,, اللي اسمه ايه
و بلاش محبوسة ,, تحبس ,,
و الناس قاعدة معانا
اتفضل يا فل
طب هسألك سؤال ,, بالراحة ,,
ما تخجلش مني
كفيت قوت العيال ,,
انا توهت ,, و غصب عني
عمال ألزقها ,, مافيش فايدة ,,
و الحسبة تملي بتتعقد
حتي في دكتورة ,, اسمها عايدة ,,
كتبتلي دوا ,, لواحدة بتولد
ولا عارف اروح ,, ولا عارف اجي ,,
مش شايف غير ضلمة اصادي
روحت اسأل عن شغل قالولي ,,
في جراج محتاج بس ,, منادي
ما تلعب ,,, يا فل
انا هلعب بس قوللي ,,
الصبر ,, يطلع بكام
ولا انا قادر اكفي حاجة ,,
رابط مليون ,,, حزام
اللقمه ما عادت ,, تكفينا ,,
و الغلا سلطان ,, طاغي علينا
و صبرنا و غلبت اهالينا ,,
و احنا اللي فينا مكفينا
كنا بنقول ,, ربنا يخلي ,,
دلو قت عيالنا بقت حاجة تعيي
كتر الطلبات صعبة علينا ,,
و الغلا بيقش ,,,, ما بيخلي
استحمل,,,, يا فل
✍🏻✍🏻✍🏻✍🏻✍🏻✍🏻✍🏻✍🏻
بقلم الشاعر ✍🏻 ياسر عبد الحميد
ليست هناك تعليقات:
إرسال تعليق